Палюбуйся на іх, паглядзі, –
Прывядзі ты мяне, мой каханы,
Да матулі сваёй прывядзі!
***
Мужчына углядаўся не раз
У вочы жанчыны цудоўнай
І доўга шукаў там адказ,
Які быў адной ёй вядомы.
Ён рукі яе цалаваў,
Пяшчотнымі песнямі песціў, –
Ёй Бог прыгажосць аддаваў,
Яна – набірала цярпення!
Ён ярка і шчодра гарыць,
Яна толькі ціха ўздыхае.
Мужчыну чакаюць сябры,
Жанчына – чакае кахання!
Ён свет сто разоў абыйшоў, –
Душа яе побач лятала.
Мужчына і словы знайшоў
Там, дзе іх жанчына паклала!